GO TO MLC HOMEPAGE

ONLINE BOOKSTORE FEATURED TITLES

Best of Irish Poetry 2010
Editor: Matthew Sweeney

Songs of Earth and Light
Barbara Korun poems translated by Theo Dorgan

Done Dating DJs
by Jennifer Minniti-Shippey
Winner, 2008 Fool for Poetry Competition

Richesses: Francophone Songwriter Poets
Edited and translated by Aidan Hayes

Munster Literature Centre

Create your badge

LIAM Ó MUIRTHILE

Ó chathair Chorcaí é Liam Ó Muirthile. Is scríbhneoir cónaithe i mbliana é i gColáiste Phádraig, Droim Conrach, Baile Átha Cliath. Eolas cuimsitheach ar a shaothar:  www.coislife.ie

Bearbóirí

Gheofá íde na muc

ón triúr deartháir,

bearbóirí Lána an tSeamlais,

is raghadh scréachaíl

na muc á sáthadh tríd

an gcroí ionat féin

ag dul thar tairseach

chucu isteach.

Strapaí leathair ar chrúcaí

chun faobhar a chur suas,

bhíodh na súile beaga muc

acu ag glinniúint le fonn

díoltais diablaí, is spréacha

ón lann faobhair cut-throat

a chuir an dinglis sa chloigeann

trí thine le sceimhle

roimh an gcinniúint fola

a bhearrfadh na cluasa

díot anois nó riamh.

Na Trí Mhuc

a thugamar orthu,

mar a bheidís féin

tar éis na crúba

a thabhairt leo

ó íde na scine,

is ba ídiú cine

buachaillí na sráide,

cloigeann ar chloigeann,

anois a ngnó.

An lá a chuireamar

an tríú muc, sheasas

ag bruach na huaighe

ag féachaint isteach.

Ní raibh slí don chónra

anuas ar na muca eile

is fágadh fén bhfód í

ag gobadh amach.

Chuala an ghnúsachtach

aníos as an uaigh:

 “Hurrais, hurrais amach.”

©2012 Liam Ó Muirthile

Author Links

Liam Ó Muirthile ag Poetry International Web

Ó Muirthile ag Gallery Press

Ó Muirthile ag Aosdána